ဝန်ကြီးချုပ် တာဝန်ထမ်းဆောင်ဖို့ ကျမ်းကျိန်လိုက်ပြီဖြစ်တဲ့ " နရန်ဒါမော်ဒီ "
ဘရာတီယာဂျနာတာ ပါတီဝင်ဖြစ်တဲ့"နရန်ဒါမော်ဒီ"ဟာအိန်္ဒိယနိုင်ငံမှာကျင်းပခဲ့တဲ့အထွေ ထွေရွေးကောက် ပွဲမှာ
အနိုင်ရရှိပြီး ၀န်ကြီးချုပ်တာဝန် ထမ်းဆောင်ဖို့ကျမ်းကျိန်လိုက်ပြီဖြစ်တယ်လို့
သိရပါတယ်။
အိန်္ဒိယနိုင်ငံမှာ
ကျင်းပခဲ့တဲ့ အထွေထွေရွေးကောက်ပွဲပြီးတဲ့နောက်မှာ ရွေးကောက်ပွဲဝင် ကိုယ်စားလှယ် တစ်ဦးဖြစ်တဲ့
" နရန်ဒါမော်ဒီ " က ဘရာတီယာဂျနာတာပါတီကို ကိုယ်စားပြုပြီး ၀န်ကြီးချုပ်ရာထူးအတွက်
တာဝန်ထမ်းဆောင်ဖို့ တနင်္လာနေ့မှာကျမ်းသစ္စာကျိန်ဆို လိုက်ပြီ
ဖြစ်ပါတယ်။ " မော်ဒီ ' ဟာ ကျမ်းသစ္စာကျိန်ဆိုမှုကို မြို့တော်နယူးဒေလီမှာရှိတဲ့
သမ္မတနန်းတော်ရှိ ၀န်ကြီး(၂၃)ယောက်ပါဝင်တဲ့ ၀န်ကြီးများအဖွဲ့ရှေ့မှာ ပြုလုပ်ခဲ့တာဖြစ်ပါတယ်။
ဝန်ကြီးချုပ်အသစ်ဟာ နိုင်ငံရဲ့ အချုပ်အခြာကို ထိန်းသိမ်းမှာဖြစ်ပြီး သူ့တာဝန်ကို
ကျေပွန်အောင် ထမ်းဆောင်မှာဖြစ်တယ်လို့ ပြောကြားထားပါတယ်။
ကျမ်းသစ္စာကျိန်ဆိုမှု
အခမ်းအနားဟာ ဖိတ်ကြားထားတဲ့ ဧည့်သည် (လေးထောင်)အပြင် တက်ရောက် ချီးမြှင့်ပေးသူအများဆုံး
အခမ်းအနားဖြစ်ခဲ့တယ်လို့ သိရပါတယ်။ ဒါ့ပြင် ကျမ်းသစ္စာကျိန်ဆိုပွဲကို ပါကစ္စတန်ဝန်ကြီးချုပ်
" န၀ပ်ရ်ှရစ် " လည်း တက်ရောက်ခဲ့ပါတယ်။ " မော်ဒီ " ဟာ နိုင်ငံတကာမှာ
အိန်္ဒိယနိုင်ငံရဲ့ ရပ်တည်မှုနဲ့ နိုင်ငံတွင်းမှာ ဖြစ်ပွားနေတဲ့ စီးပွားရေး တိုးတက်မှု ကျဆင်းခြင်း ကို
ပြန်လည်ဦးမော့လာအောင် လုပ်ဆောင်နိုင်မလား ဆိုတာကို နိုင်ငံသားတွေ က စောင့်ကြည့်နေကြတယ်လို့
သိရပါတယ်။
No comments:
Post a Comment