လူငယ်ဖိုရမ်(၂၀၁၄)က ချမှတ်သည့် ရှေ့လုပ်ငန်းစဉ်များ ကျောက်ဆည်မြို့နယ် ပြည်ခိုင်ဖြိုး ပါတီ ဆက်လက် အကောင်အထည်ဖော်
************************************************************
မန္တလေးတိုင်းဒေသကြီး ကျောက်ဆည်မြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ တောင်သူလယ်သမား၊ အလုပ်သမားနှင့် လူငယ်ဖိုရမ် (၂၀၁၄)မှချမှတ်သည့် ရှေ့လုပ်ငန်းစဉ်များ ဖွဲ့စည်း အကောင်အထည်ဖော်ရန် စက်တင်ဘာ ၂၅ ရက် နံနက် ၉ နာရီခွဲက ကျောက်ဆည်မြို့မ ရပ်ကွက်အတွင်း၌ ကျင်းပခဲ့သည်။
အဆိုပါ ဖွဲ့စည်းအကောင်အထည်ဖော် ဆောင်ရွက်ရာတွင် မြို့နယ်ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ အတွင်းရေးမှူး ဦးသန်းထွန်း၊ ဦးတင်ထွန်းအောင် (ပသဆ)နှင့် ရေးရာကော်မတီဝင်များ၊ ရပ်ကွက်စည်းရုံးရေးမှူးနှင့် ရပ်ကွက် လူငယ်ရေးရာတာဝန်ခံများ၊ အထောက်အကူပြုအဖွဲ့များ၊ ရပ်မိရပ်ဖများ တက်ရောက်ကြသည်။
ရှေးဦးစွာ မြို့နယ်ပြည်ခိုင်ဖြိုးပါတီ အတွင်းရေးမှူး ဦးသန်းထွန်းက တောင်သူလယ်သမား၊ အလုပ်သမားနှင့် လူငယ် ဖိုရမ်(၂၀၁၄)မှ ချမှတ်သည့် ရှေ့လုပ်ငန်းစဉ် အကောင်အထည်ဖော် ဆောင်ရွက်ရာတွင် တောင်သူ လယ်သမားရေးရာအ ကျိုးဆောင်အဖွဲ့၊ အလုပ်သမားရေးရာ အကျိုးဆောင်အဖွဲ့၊ လူငယ်ရေးရာရှေ့ဆောင်အဖွဲ့ဟူ၍ အဖွဲ့သုံးဖွဲ့ခွဲကာ တစ်ဖွဲ့ချင်း စည်းရုံးရေးစွမ်းရည် မြှင့်တင်ရေးအတွက် ဒေသခံ မိဘပြည်သူများနှင့် ပူးပေါင်းပြီး ပြည်သူ့ လိုအပ်ချက်၊ အကျိုးပြုလုပ်ငန်းများ၊ ဒေသဖွံ့ဖြိုးရေး လုပ်ငန်းများတွင် ပါဝင်ဆောင်ရွက်ကြရန် ဆွေးနွေးမှာကြားသည်။