မက်ဆီကို တစ်နှစ်လစာ ယူရို(၂၅)သန်းအထိ တိုးပေးဖို့ ဘာစီလိုနာ ဆွေးနွေးနေတဲ့ သတင်း
လာလီဂါ လက်ရှိချန်ပီယံ ဘာစီလိုနာအသင်းဟာ အဓိက တိုက်စစ်မှူး
မက်ဆီနဲ့ နောက်ထပ် (၅)နှစ်စာချုပ်ချုပ်ဆိုဖို့ ဆွေးနွေးနေတယ်လို့ အင်္ဂါနေ့က
စပိန် သတင်းစာASမှာ ဖော်ပြသွားပါတယ်။ စာချုပ်သစ်အရ မက်ဆီရဲ့ တစ်နှစ်လစာဟာ
ယူရို(၂၅)သန်းအထိ ရှိနိုင်ပါတယ်။ မက်ဆီဟာ လတ်တ လော ဘာစီလိုနာ အသင်းမှာ
တစ်နှစ်ယူရို(၁၆)သန်း ရနေပေမယ့် ဘရာဇီး တိုက်စစ်မှူး နေမာထက်
လစာနည်းနေတယ်လို့ သတင်းထွက်နေပါတယ်။ နေမာဟာ ရှုပ်ထွေးလွန်းတဲ့
စာချုပ်တွေကတဆင့် တစ်နှစ်လစာ ယူရို(၁၈)သန်းကနေ ယူရိုသန်း(၂၀)ကြား ရနေပါတယ်။
ဒါကြောင့် အသင်းရဲ့ အရေးပါဆုံး ဦးဆောင် ကစားသမားဖြစ်တဲ့ မက်ဆီကို
လစာတိုးပေးဖို့ ဘာစီလိုနာ အသင်းဘုတ်အဖွဲ့ ဖိအား ရှိနေပါတယ်။ မက်ဆီဟာ
လွန်ခဲ့တဲ့ (၉)နှစ်အတွင်း ဘာစီလိုနာအသင်းနဲ့ စာချုပ်(၆)ကြိမ်အထိ
ချုပ်ခဲ့ပြီးပါပြီ။ အခုစာချုပ်သစ် ထပ်ချုပ်ခဲ့ရင် ဒါဟာ(၇)ကြိမ်မြောက်
စာချုပ်သက်တမ်းတိုးတာ ဖြစ်လာမယ်လို့ သိရပါတယ်
No comments:
Post a Comment