ဆိုက်ဘာဝန်ထမ်း သုံးဆထပ်တိုးမယ်လို့ ပြောကြားလိုက်တဲ့ အမေရိကန် ကာကွယ်ရေးဝန်ကြီး
အမေရိကန်
ကာကွယ်ရေးဝန်ကြီး " ချက်ဟေဂယ် " ဟာ အမေရိကန် အစိုးရရဲ့
ဆိုက်ဘာလုံခြုံရေးကို တိုးမြှင့်ဖို့အတွက် ဆိုက်ဘာ ကျွမ်းကျင်ဝန်ထမ်းတွေကိုထပ်တိုးခန့်အပ်မယ်လို့ ပြောကြားလိုက်ပါတယ်။ အမေရိကန် ကာကွယ်ရေးဝန်ကြီး "
ချက်ဟေဂယ် " က အမေရိကန် ကာကွယ်ရေး ၀န်ကြီးဌာန (ပင်တဂွန် စစ်ဌာနချုပ်)ဟာ
လာမယ့်နှစ်အနည်းငယ် အတွင်းမှာ ဆိုက်ဘာဝန်ထမ်း အရေအတွက်ကို (၃)ဆ ထပ်တိုးဖို့
စီစဉ်ထားတယ်လို့ ပြောကြားထားပါတယ်။
ဟေဂယ်ဟာ ဆိုက်ဘာဝန်ထမ်းထပ်တိုးမယ့် အကြောင်းကို မေရီလင်းပြည်နယ်၊
ဖော့မိတ်မှာ သောကြာနေ့ က ကျင်းပခဲ့တဲ့ အမေရိကန် ဆိုက်ဘာဌာနမှူးလည်းဖြစ်၊
အမျိုးသားလုံခြုံရေး အေဂျင်စီဌာနမှူး လည်းဖြစ်တဲ့ ဗိုလ်ချုပ် "
ကိတ်အလက်ဇန်းဒရား " တာဝန်က အနားယူတဲ့ အခမ်းအနား မှာ ပြောကြား ခဲ့တာ
ဖြစ်ပါတယ်။ ဟေဂယ်က ကာကွယ်ရေးဝန်ကြီးဌာနရဲ့ ကွန်ပျူတာတွေဟာ
ဆိုက်ဘာတိုက်ခိုက်မှုကို အဓိက ခံနေရပြီး၊ ၀န်ကြီးဌာနရဲ့ ဆိုက်ဘာစနစ်တွေဟာ
ရန်သူတွေရဲ့ Scanned " စကန် " ဖတ်ရခြင်း ကို အကြိမ်(ငါးသောင်း)လောက်
ခံခဲ့ရတယ်လို့လည်း ပြောကြားထားပါတယ်။
လက်ရှိမှာ တာဝန် ထမ်းဆောင်နေတဲ့ ဆိုက်ဘာဝန်ထမ်း အရေအတွက်ဟာ
(၁၈၀၀)ရှိနေပြီး ၂၀၁၆ ခုနှစ်မှာ ကျွမ်းကျင်
ဆိုက်ဘာဝန်ထမ်း(ခြောက်ထောင်)ကို ထပ်မံခန့်အပ်မှာ ဖြစ်တယ် လို့လည်း ဟေဂယ် က
ပြောပါတယ်။ ဒါ့အပြင် ကာကွယ်ရေး ၀န်ကြီးဌာနဟာ နိုင်ငံပြင်ပမှာ လည်ပတ်နေတဲ့
အမေရိကန် ဆိုက်ဘာကွန်ယက်တွေကိုလည်း
စောင့်ကြည့်ထိန်းချုပ်သွားမှာဖြစ်ကြောင်း သတင်းရရှိပါသည်။
No comments:
Post a Comment