တော့တင်ဟမ် နည်းပြသစ် ပိုချက်တီနို ဖြစ်လာ
ဆောက်သမ်တန် အသင်းနည်းပြ ပိုချက်တီနိုဟာ အင်္ဂါနေ့က တော့တင်ဟမ် အသင်းနည်းပြ တာဝန်ကို လွဲပြောင်း ယူလိုက်ပြီ ဖြစ်ပါတယ်။ ၂၀၁၃ခုနှစ်၊ ဇန်န၀ါရီလက ဆောက်သမ်တန်အသင်းကို စတင်ကိုင်တွယ်ခဲ့တဲ့ ပိုချက်တီနိုကို တော့တင်ဟမ်အသင်းက (၅)နှစ်စာချုပ်ချုပ်နဲ့ ခေါ်ယူခဲ့တာပါ။ ပိုချက်တီနိုနဲ့အတူ ဆောက်သမ်တန်မှာ အတူလက်တွဲခဲ့တဲ့ နည်းပြအဖွဲ့ဝင်တွေ အားလုံးလည်း တော့တင်ဟမ်အသင်းကို ပြောင်းလာပါတယ်။ နောက်ဆုံး (၁၃)နှစ်အတွင်း ဒီလို၊ တော့တင်ဟမ်အသင်းနည်းပြ အပြောင်းအလဲလုပ်တာ (၁၀)ဦးအထိ ရှိလာပါပြီ။ တော့တင်ဟမ် အသင်းဥက္ကဌ ဒန်နီရယ်လီဗိုင်းက ’’အရည်အချင်း ပြည့်ဝပြီး တိုက်စစ်အသားပေးတဲ့ ကစားဟန်နဲ့ အသင်းကို တည်ဆောက်နိုင်တဲ့ နည်းပြကောင်း တစ်ယောက်ကို ပိုင်ဆိုင်ခွင့် ရပြီလို့ ယုံကြည်ပါတယ်။ ကစားသမား တစ်ဦးချင်းစီကိုရော အသင်းလိုက်ပါ ဘယ်လောက် တိုးတက်အောင် နည်းပြနိုင်တယ် ဆိုတာကို သူသက်သေ ပြခဲ့ပြီးပါပြီ’’လို့ ပြောပါတယ်။ ပိုချက်တီနိုဟာ ဆောက်သမ်တန်အသင်း မတိုင်ခင် အက်စပန်ညိုအသင်းကို ကိုင်တွယ် နည်းပြခဲ့ပါသေးတယ်။ တော့တင်ဟမ်အသင်း သမိုင်းမှာတော့ ဒုတိယမြောက် အာဂျင်တီးနားနိုင်ငံသား နည်းပြဖြစ်လာပါတယ်။
No comments:
Post a Comment