ခုနစ်ရက်သားသမီးတို့အတွက် မြန်မာပို့စ်ဗေဒင်

(၂-၄-၂၀၁၄ မှ ၈-၄-၂၀၁၄ အထိ)

တနင်္ဂနွေ

အကုန်အကျများမည်။ ပျက်စီးယိုယွင်းမှုများရှိမည်။ အဆုံးသတ်ခါနီးမှ သူတစ်ပါးသို့ လွှဲအပ်ဆောင် ရွက်သောအခါ တစ်ပါးသူက ပေါ့ပေါ့တန်တန် လုပ်ကိုင်၍ ဆောင်ရွက်ထားသမျှ သဲထဲရေသွန်ဖြစ် မည်။မတော်တဆထိခိုက်မှုများ ဂရုစိုက်ရမည်။ ခရီးသွားရန်ကိစ္စများ နေ့ရက်ပြောင်းပြီးမှ အဆင်ပြေမည်။ မိဘအကြီးအကဲ ကျန်းမာရေးချူချာမည်။ ယတြာ-လိပ်များရေကူးနေပုံပန်းချီ သို့မဟုတ် ဓာတ်ပုံဝန်းကျင် တွင်ထားပါ။

 တနင်္လာ

ပြောင်းလဲသော အခြေအနေများကို အသုံးချ၍ အဆင့်မြင့်အောင်မြင်မှုကို ဖန်တီးနိုင်မည်။ ကိုယ်ပိုင် ဆုံးဖြတ်ချက်နှင့် ဆောင်ရွက်သည့်ကိစ္စများမှ အကျိုးဆက်ကောင်းကိုရရှိမည်။ ပိုင်ဆိုင်မှုအတွက် စကားပြောဆိုရခြင်းများ အောင်မြင်မည်။ ပြဿနာဖြစ်၍ ပြောင်းရွှေ့သွားသော နေရာ၌ အစားဝင်ရောက် ရှိလာသောသူသည် လွန်စွာဇီဇာကြောင်၍ အသေးအဖွဲ့မှအစ အပြစ်မြင်တတ်ပေရာ အလွန်စိတ်ရှုပ်ရမည်။

ယတြာ-အစိမ်းရောင်နံပါတ် ဂဏန်းပါသော နာရီဝယ်ယူ၍ဆောင်ပါ။

အင်္ဂါ

ရန်ပြဿနာများ၊ အငြင်းအခုန်များ၊ အနှောင့်အယှက် အခက်အခဲများနှင့် ရင်ဆိုင်ပြီးမှ အလိုရှိရာပြည့်စုံမည်။ စီစဉ်ပြီးလုပ်သောကိစ္စမှန်သမျှ အလွဲလွဲအချော်ချော်ဖြစ်မည်။ မတော်တဆထိခိုက်မှုနှင့် သွေးထွက် သံယိုဖြစ်ရပ်များ လွှမ်းမိုးနေသော ကာလဖြစ်သည်။ ကိုယ်ပိုင်အတွေးအခေါ်နှင့် လုပ်ကိုင်မှုများ ထွန်းပေါက် ထွန်းပေါက်အဆင်ပြေမည်။ လုပ်ကိုင်နေဆဲလုပ်ငန်းအချို့ ဆိုင်းငံ့ရပ်တန့်ထားရမည်။

ယတြာ-မောင်နှမဟုပြီးရိုက်ထားသော ဓာတ်ပုံအနက်ရောင်ဘောင်ဖြင့်ထည့်၍ အမြင့်တွင်တင်ပါ။

ဗုဒ္ဓဟူး

ပြောင်းလဲလာသော အခြေအနေတို့ကို မျက်ခြည်မပြတ်ပါနှင့်။ ခေါင်းမာစွာဆက်လက်ရပ်တည်နေခြင်းထက် အများစုရွေ့လျားရာလမ်းကြောင်းပေါ်သို့ ကူးပြောင်းကာ အရိပ်အခြေကြည့်လုပ်ပါ။ တစ်ဦးတည်းကျန်နေ ခဲ့ခြင်းနှင့် နောက်ကျမကျန်ခဲ့စေရန်လည်း ကြိုးစားပါ။ လုပ်ရိုးလုပ်စဉ်မဟုတ်သောကိစ္စများကို ဆက်လက် လုပ်ကိုင်နေရမည်။ လူမျိုးကွဲနှင့် တိုက်ရိုက်ဆက်စပ်သော လုပ်ငန်းများ အကျိုးပေးမည်။

ယတြာ-အိပ်ခန်း၏ အနောက်တောင်တောင့်မှာ နှင်းဆီနှစ်ပွင့် ပန်းအိုးဖြင့်ထိုးထားပါ။

ရာဟု

အယူအဆသဘောထား ဆန့်ကျင်သူများနှင့် ပူးပေါင်းလုပ်ကိုင်ရခြင်းရှိမည်။ အပြောင်းအလဲကိစ္စများကို စနစ်တကျဆောင်ရွက်နိုင်မည်။ ရပိုင်ခွင့်များကို ပြန်လည်ရရှိမည်။ မရောက်ဖူးသောအရပ်ဒေသများသို့ သွားရောက်ရကိန်းရှိမည်။ အရပ်ဝေးနိုင်ငံခြားနှင့် တိုက်ရိုက်ဆက်ဆံသောကိစ္စများတွင် ပါဝင်ပတ်သက်၍ အကျိုးကျေးဇူးရရှိမည်။ ချစ်သူနှင့် စကားများရမည်။ အိမ်တွင်းရေး ပဋိပက္ခများရှိမည်။

ယတြာ-နေအိမ်တံခါးဝ၏ အတွင်းဘက်လက်ကိုင်တွင် ပန်းရောင်ဖဲကြိုးချည်ပါ။

ကြာသပတေး

ဆောင်ရွက်သမျှထွန်းပေါက်၍ အခက်အခဲကြားမှ အောင်မြင်ခြင်းကိုကြုံမည်။ အချိန်ယူစဉ်းစားလေ တွေဝေ အမှားကြုံရလေဖြစ်မည်။ တဒင်္ဂအတွင်းဆုံးဖြတ်၍ ချက်ချင်းဆောင်ရွက်သောလုပ်ငန်းများမှ ထူးခြားသော အကျိုးဆက် ကောင်းများဖြစ်ပေါ်မည်။ လုပ်နိုင်စွမ်းရှိသလောက်ကို အသုံးချခွင့်မရှိလင့်ကစား ရရှိနေသော အခြေအနေအပေါ်သုံးသပ်၍ တိုးတက်မှုများ အဆင့်ဆင့် ဖြစ်ပေါ်မည်။

ယတြာ-ရေတံခွန်ဓာတ်ပုံ သို့မဟုတ် ပန်ချီကားကို နေအိမ်ဝန်းကျင်တွင် ဆွဲထားပါ။

သောကြာ

ကိုယ့်ကိစ္စမဟုတ်သော အကြောင်းအရာများအပေါ်၌ စိတ်ဝင်စားနေမည်။ ငွေကြေးတစ်ပြားမှမရသဖြင့် အချိန်ကုန်၊ ငွေကုန်၊ မိသားစုမှ အငြိုအငြင်ခံပြီး အများကိစ္စ၊ အဖွဲ့အစည်းကိစ္စလုပ်ကိုင်ရင်း၊ လူမုန်းများခြင်း မူလရှိရင်းစွဲ နာမည်ဂုဏ်သိက္ခာ ထိခိုက်ကျဆင်းခြင်းများဖြစ်မည်။ ထိုင်နေအကောင်းသား၊ ထသွားမှ ကျိုးမှန်းသိဟူသော အခြေအနေသို့ ဆိုက်ရောက်မည်။ မလိုအပ်ဘဲ စရိတ်စခကြီးမြင့်စွာ သုံးစွဲရမည်။

ယတြာ-စပါးနှံပန်းချီ သို့မဟုတ် ဓာတ်ပုံဆောင်ပါ။

စနေ

သိုသိုသိပ်သိပ်နှင့် ပလွှားမှုမရှိဘဲနေထိုင်က အထွက်အထိပ်ရောက်မည်။ အများသူငှာမမြင်သာဘဲ ရွက်ပုန်းသီးသဖွယ်ဆောင်ရွက်ပြီးမှ  လက်ဆောင်ဝင့်ကြွားမှုပြုရမည်။ အလွယ်တကူ ကတိမပေးရ။ အမှုမရှိဘဲ ဂါတ်တဲတစ်ခုသို့ ရောက်ရှိလိမ့်မည်။ သူတစ်ပါးအကြောင်း အတင်းအဖျင်းပြောသူ များကို ရှောင် ပါ။ သီးသီးသန့်သန့် နေထိုင်လေ အကျိုး၇ှိလေဖြစ်မည်။ အိမ်တွင်းရေးကိစ္စ၊ လူမှုရေး ပြဿနာများကို သူ့နည်းသူ့ဟန်နှင့် ရှင်းရန်စီစဉ်ပါ။

ယတြာ-ပိုင်ရှင်မဲ့ခွေးလေခွေးလွင့်များကို အစာကျွေးပါ။

ချမ်းမြေ့မေတ္တာတုံ့ပြန်ပါသည်။

စံ-ဇာဏီဘို