ဝါရှင်တန်ဒီစီမှ အခမ်းအနားသို့ တက်ရောက်ခဲ့သည့် စင်္ကာပူဝန်ကြီးချုပ်

စင်္ကာပူဝန်ကြီးချုပ်"လီရှန်လွန်း"ဟာ အမေရိကန်နိုင်ငံ ၀ါရှင်တန်ဒီစီမြို့မှာကျင်းပတဲ့ လွတ်လပ်စွာ ကုန်သွယ်ခွင့်စာချုပ် FTA (၁၀)နှစ်ပြည့် အခမ်းအနားကိုတက်ရောက်ခဲ့တယ်လို့ သိရပါတယ်။  စင်္ကာပူ ၀န်ကြီးချုပ်"မစ္စတာလီရှန်လွန်း"ဟာ အင်္ဂါနေ့မှာ ၀ါရှင်တန်ဒီစီမြို့မှာ ကျင်းပတဲ့ အမေရိကန် စင်္ကာပူနှစ်နိုင် ငံရဲ့ FTA (၁၀)နှစ်ပြည့် အခမ်းအနားကို တက်ရောက်ခဲ့တယ်လို့ သိရပါတယ်။ ဒီလွတ်လပ်စွာ ကုန်သွယ်ခွင့် စာချုပ်ဟာ အာရှပစိဖိတ်မှာ အချိန်ကြာမြင့်စွာရပ်တည်ခဲ့တဲ့ အမေရိကန်ရဲ့ရပ်တည်ချက်ကို တိုးမြှင့်စေရုံ သာမက အဖွဲ့အစည်းမှာ ပါဝင်တဲ့အခြားသောဒေသတွင်း နိုင်ငံတွေအနေနဲ့လည်း ဘယ်လို အကျိုးရှိမလဲ ဆိုတာ သိစေမှာဖြစ်တဲ့အပြင် အမေရိကန်နဲ့ ဆက်ဆံရေးကိုလည်း ပိုမိုနက်ရှိုင်းလာစေ မှာဖြစ်တယ်လို့ မစ္စတာ"လီ"ကပြောကြားခဲ့ပါတယ်။

(၂၀၁၄)ခုနှစ် ဇန်န၀ါရီလ(၁)ရက်နေ့ထဲက စတင်ဖွဲ့စည်းတဲ့ USSFTA ဟာ အမေရိကန်နဲ့ အာဆီယံနိုင် ငံတွေကြားက လွတ်လပ်စွာကုန်သွယ်ခွင့်စာချုပ်ဖြစ်ပြီး အမေရိကန်ကုန်သွယ်ရေးဝန်ကြီးဌာန ခွင့်ပြုချက် အရ ဒီစာချုပ်မှာအာဆီယံနိုင်ငံတွေသာ မပါရှိသေးတာဖြစ်ပါတယ်။ လတ်တလောမှာတော့ စင်္ကာပူနိုင်ငံဟာ အာရှနိုင်ငံတွေကြားမှာ အမေရိကန်ရဲ့ရင်းနှီးမြှုပ်နှံမှု အကောင်းဆုံးနိုင်ငံအဖြစ် ရပ်တည် လျက်ရှိပြီး (၂၀၁၂)ခုနှစ်မှာ နှစ်နိုင်ငံကုန်သွယ်မှုတန်ဖိုး အမေရိကန် ဒေါ်လာ(၆၈)ဘီလီယံအထိရှိခဲ့ကာ အမေရိကန်၊စင်္ကာပူနှစ်နိုင်ငံ လွတ်လပ်စွာ ကုန်သွယ်ခွင့် သဘောတူညီချက်စာချုပ်ကို လက်မှတ်ရေးထိုး ကတည်းက လက်ရှိအချိန်အထိ(၇၀)ရာခိုင်နှုန်း တိုးတက်လာတာဖြစ်ပါတယ်။

မစ္စတာလီဟာ အမေရိကန်နိုင်ငံကို ရောက်ရှိနေတုန်းမှာ အမေရိကန်သမ္မတ"အိုဘားမား"ရဲ့ ဒီနှစ်ကုန်ပိုင်းမှာ အပြီးသတ်စေချင်တဲ့ ပစိဖိတ်ပူးပေါင်း ကုန်သွယ်မှုကိုလည်း အဆိုပြုပေးဖို့ အမေရိကန်ဥပဒေပြုအဖွဲ့ကို တိုက်တွန်းပြောကြားခဲ့တယ်လို့ သိရပါတယ်။ မစ္စတာလီဟာ တစ်ကမ္ဘာလုံးဆိုင်ရာ အခွန်ငွေတိုးတက်ရေးကိစ္စကို ဆွေးနွေးဖို့ အင်္ဂါနေ့မှာ Federal Reserve အမျိုးသမီးလွှတ်တော် ဥက္ကဋ္ဌ"ဂျန်နက်ရယ်လန်"နဲ့လည်း တွေ့ဆုံဖြစ်ခဲ့တယ်လို့ သိရပါတယ်။ မစ္စတာလီဟာ အမေရိကန်နိုင်ငံ နယူးယောက်မှာ တမားဆက်ဟိုးဒင်းရုံးဖွင့်ပွဲကို မသွားမီ ဗုဒ္ဓဟူးနေ့မှာ ၀ါရှင်တန်ဒီစီမြို့မှာ အစည်းအဝေးပွဲကို ဆက်လက်တက်ရောက်ဆွေးနွေးသွားမှာ ဖြစ်တယ်လို့သိရပါတယ်။